Rikthehen reshjet e borës – Akset e hapura, apel për kujdes të shtuar
Jemi në muajin e dytë të pranverës, por duket se dimri e ka të vështirë të largohet.
Në zonat malore, mbi 800 metër mbi nivelin e detit janë rikthyer këtë fundjavë reshjet e dëborësFirmat e kontraktuara kanë vijuar punën për pastrimin e aksit Qafë Thore- Theth duke e bërë të qarkullueshëm.
Megjithatë specialistët e qarkullimit rrugor apelojnë drejt shoferëve që të ecin me kujdes e duke respektuar sinjalistikën rrugore.
Reshje intensive dëbore ka patur edhe në rrethin e Pukës duke bërë që trashësia të shkojë deri në 10 cm.
Një turiste çeke ka humbur kontaktin nga Valbona, por më pas është kontaktuar me kryeplakun e fshatit Theth bashkë me disa banorë të zonës.
Nga strukturat e komisariatit të policisë Pukë informohemi se: në segmentin rrugor Pukë- Fushë Arrez – Qafë Mali kanë filluar reshjet e dëborës. Patrulla e Policisë rrugore është në terren.
Është njoftuar edhe kontratori mirëmbajtës i rrugës me qëllim që borëpastrueset të operojnë për pastrimin e aksit rrugor.
Në Fushë Arrës, momentalisht trashësia e dëborës i kalon 10 cm në lartësinë mbi 700 metër.
Rrugët janë të hapura dhe nuk paraqiten probleme momentalisht.
