Rama tur takimesh në Shkodër – Shefi i qeverisë takime me biznesin, gratë, vajzat dhe të rinjtë
Kryeministri Edi Rama, ka nisur këtë të premtë një tur takimesh në Qarkun e Shkodrës.
Fillimisht, i shoqëruar nga kryebashkiaku Benet Beci, ai ka zhvilluar një takim me biznesmenë dhe sipërmarrës të zonës Shengjin- Velipojë.
Në vijim, së bashku, ata kanë vizituar kantierin e hapur nga OSHEE në Velipojë.
Ky investim, që po shkon drejt përmbylljes, është i domosdoshëm për rritjen e fuqisë energjitike të kësaj zone me ngarkesë të madhe në sezonin turistik, si edhe në zhvillim të mëtejshëm me projektet e reja të hotelerisë me 5 yje.
Ndërkohë punohet edhe me projektin e ngjashëm për Alpet, ku rritja e madhe e turizmit ka imponuar një investim të konsiderueshëm për rritjen e fuqisë së rrjetit të energjisë.
