Barça fiton një El Clasico të çmendur dhe hipotekon titullin

Java e 35-të e La Ligës mbyll praktikisht duelin për titull në Spanjë. Barcelona fiton El Clasico 4-3 kundër Real Madridit dhe, me tri javë ende për të luajtur, shkon në +7 nga Blancos. Mbappé i jep Ancelottit avantazhin 2-0 deri në minutën e 14-të dhe më pas kompleton “tripletën” personale, por katalanasit e marrin fitoren me dopietën e Raphinha-s (34′ dhe 45′) dhe golat e Yamal (32′) dhe Eric Garcia (19′).

Momentet e fundit të sfidës ishin mjaft emocionuese: anulohet 4-4 i mundshëm i Mbappe për pozicion jashtë loje dhe 5-3 i mundshëm i Ferran Torres për një prekje të topit me dorë në fillim të aksionit.

Përfundon 4-3, si në maj 2023, Barcelona mund të fitojë titullin në shtëpinë e rivalëve të qytetit, Espanyol, kundërshtarë në raundin tjetër.