Vijon numërimi në Shkodër – PD kryeson e ndjekur nga PS, PSD forcë e tretë
Sipas të dhënave të fundit nga KQZ, në Shkodër nga kutitë e numëruara deri tani kryeson PD- Aleanca për Shqipërinë Madhështore, e ndjekur nga PS, ndërsa PSD është forcë e tretë në qark.
E përkthyer në mandate, deri tani demokratët kanë të sigurt pesë mandate, ndërsa Partia Socialiste 4 mandate.
Ashtu siç ka ndodhur katër vite më parë, në këtë qark forcë e tretë është PSD-ja e cila nxjerr dy deputetë.
Ndërkohë, numeruesit e KZAZ-së numër 2 në Shkodër, kanë rënë dakord për mbylljen e përkohshme të numërimit në orën 20.00.
Shkak është bërë ndeshja finale e Final Four, mes Vllaznisë dhe Egnatias.
Numëruesit dhe vëzhguesit duan të ndjekin ekipin e tyre të zemrës, ne ndëshjen më të rëndësishme të këtyre viteve.
