Sfidat e medias lokale – Në Shkodër diskutohet etika dhe vetërregullimi për një gazetari më të përgjegjshme
Në një kohë kur mediat lokale përballen me sfida të shumta, në Shkodër u zhvillua një takim i rëndësishëm i organizuar nga Këshilli Shqiptar i Medias.
Me temën “Promovimi i etikës dhe vetërregullimit në mediat lokale, sfidimi i dezinformimit”, ky fokus grup mblodhi së bashku gazetarë dhe aktorë të tjerë lokalë.
Në qendër të diskutimeve ishin përvojat e gazetarëve, sfidat me të cilat përballen në përditshmëri, si dhe mënyrat konkrete për të përmirësuar klimën mediatike në nivel lokal.
Sipas Koloreto Cukalit, kryetar i Këshillit Shqiptar të Medias, një nga problemet kryesore që has media sot është largimi i saj nga interesi publik, si dhe mungesa e mekanizmave të vetërregullimit.
Aktiviteti kishte për qëllim ndërtimin e një vizioni të përbashkët mbi rolin e medias lokale.
Projekti mbështetet nga Bashkimi Evropian si pjesë e përpjekjeve për të fuqizuar gazetarinë e përgjegjshme në Shqipëri.
