Sfida për titullin kampion U-15 / Java e fundit e kampionatit rezervon duelin direkt Tirana-Vllaznia
Të shtunën, në fushën “Skënder Halili” në Tiranë luhet sfida më vendimtare e sezonit për ekipin U-15 të Vllaznisë.
Kuqeblutë përballen me Tiranën në javën e fundit të kampionatit, ku do të vendoset titulli kampion i këtij sezoni.
Për shkodranët, vetëm fitorja ka vlerë për të rrëmbyer trofeun.
Skuadra ka zhvilluar një tjetër seancë stërvitore në Shkodër, nën drejtimin e trajnerit Amarildo Belisha.
Ndeshja pritet të jetë një duel i fortë mes dy prej akademive më të mira në vend, me shumë emocione dhe rivalitet sportiv.
Në kampionatin e moshave, për trajnerin Belisha, fokusi është më shumë në evidentimin e talenteve.
Të gjithë sytë janë tashmë nga kryeqyteti, aty ku do të vendoset se kush do të kurorëzohet kampion i Shqipërisë në kategorinë U-15.
