“Djemtë vezullues” në Shkodër – Komedia e trupës së Teatrit “Petro Marku” me regji të Roland Mingës

Në Teatrin “Migjeni” u vu në skenë shfaqja “Djemtë vezullues” e autorit të njohur amerikan Neil Simon, nën regjinë e Roland Mingës.

Në qendër të komedisë janë dy personazhe, dikur partnerë të skenës, të cilët rikthehen pas shumë vitesh për një bashkëpunim të fundit.

 Aktorët që interpretojnë rolet janë: Astrit Hasani, Artan Islami, Alba Shtëmbari dhe Matilda Avduli.

Regjisori Roland Minga thekson se mesazhi më i rëndësishëm i kësaj shfaqjeje është vlera e miqësisë dhe ndikimi që ajo ka në jetën tonë.

Aktorja Alba Shtëmbari shprehet se interpretimi në teatër është një përvojë e pazëvendësueshme dhe unike.

Shfaqja e trupës së Teatrit “Petro Marku” është sjellë në bashkëpunim me Bashkinë e Vlorës dhe synon të afrojë më shumë publikun me artin skenik në qytete të ndryshme të vendit.

Komedia do të riluhet sërish në Teatrin “Migjeni” edhe të premten e datës 18 prill.