Dembélé shtang Arsenalin, PSG fiton aktin e parë
Ndeshja e parë gjysmëfinale e Champions League pa Paris Saint-Germain të mundë Arsenalin 1-0 në Emirates, një rezultat që e vendos skuadrën franceze më afër finales në Mynih. Ndeshja u vendos në minutën e 4-ët, me një gjuajtje të shkëlqyer me të djathtën nga Dembélé, i asistuar nga Kvaratskhelia, që mundi Raya falë edhe ndihmës së shtyllës.
Në fillimin e pjesës së dytë Merino arriti të shënojë në portën e francezëve, por u anulua për pozicion jashtë loje. Ndërkohë, Donnarumma bëri të paktën dy pritje vendimtare për të mbajtur portën të paprekur.
Parisi tregoi kaq shumë anë pozitive të vetes sonte, e meritoi plotësisht fitoren. E mira për Arsenalin është se deficiti është i vogël dhe lehtësisht i kapërcyeshëm, por ata e dinë se sa e vështirë do të jetë detyra e tyre në Parc des Princes të mërkurën e ardhshme.
