Udhëtim në kohë me “Andrra n’tren”  – Edicioni i shtatë i Swing Marathon kishte si tematikë vitet ‘20 – ‘30

Nga Tirana në Shkodër, treni i muzikës Jazz mbërriti sërish në stacionin hekurudhor, duke sjellë me vete qindra pjesëmarrës të edicionit të 7-të të Swing Marathon.

 Të veshur me elegancën e viteve ‘20-‘30, ata zbritën me buzëqeshje, plot emocione për përjetimin e një udhëtimi të rrallë me tren në vendin tonë.

Pjesëmarrësit vijuan në rrugët kryesore të qytetit, duke e kthyer Shkodrën për disa orë në një skenë të gjallë muzikore e artistike.

Kostumet retro, atmosfera swing dhe tingujt e jazz-it sollën një ndjesi unike, ndërsa festa kulmoi me performanca live dhe vallëzim deri në orët e vona të mbrëmjes.

Kjo nismë, pjesë e “International Jazz Day” dhe mbështetur nga UNESCO, solli në vëmendje jo vetëm magjinë e muzikës jazz, por edhe fuqinë e saj, që udhëton në hapësirë dhe në kohë.