Situata gripale arrin pikun /  Mjekët  apelojnë për mosneglizhencë të simptomave

Situata e krijuar nga virozat , kryesisht ato gripale, sa vjen e po rëndohet  gjatë  ditëve të fundit të këtij muaji.

Fluksi i pacientëve  është rritur ndjeshëm në Urgjencën e Poliklinës së qytetit, duke qënë se është edhe pika më e afërt  për të marrë shërbimin që u nevojitet.

Sipas mjekes së kësaj Urgjence, Kristi Temali, nisur dhe nga numri i pacientëve , mund të themi se jemi në pikut e të prekurve nga gripi.

Gjatë  kësaj periudhe , pranë kësaj urgjence janë paraqitur  çdo ditë  mbi 30 pacientë  të moshave të ndryshme,  të cilët në të shumtën e rastëve shfaqin komplikacione.

Mjekja sqaron  se fillimisht  gripi  paraqet simptomat e një   viroze të zakonshme, por që shumë shpejt agravohet dhe krijon komplikacione të shëndetit, sidomos tek pacientët me sëmundje bashkëshoqëruese.

Apeli i mjekes Temali për të prekurit nga gripi, apo dhe virozat e tjera, është që të mos neglizhohet dhe pacientët të paraqiten menjëherë pranë mjekut të familjes , pastaj në rast komplikimesh t’i drejtohen mjekut specialist  apo urgjencës.

Përveç Urgjencës së Poliklinikës, fluksi i të prekurve nga gripi është rritur ndjeshëm edhe në Qendrat Shëndetësore të Rajoneve , si dhe në Urgjencën e Spitalit Rajonal Shkodër.