Shikimi i njeriut me katërputroshin e lidh atë me emocionet e tij

Marrëdhënia mes qenit dhe pronarit është gjithmonë e veçantë. Kaq e veçantë, saqë kur të dy shkëmbejnë shikimet, truri i tyre sinkronizohet, një mekanizëm shumë i ngjashëm me atë që ndodh kur dy njerëz bisedojnë, shkruan focus.it.

Tani do të shpjegojmë më mirë se çfarë nënkuptojmë dhe çfarë lidhje ka LSD (nga gjermanishtja Lysergsäure-diethylamid është një ilaç i fuqishëm psikodelik që rrit mendimet, emocionet dhe perceptimin shqisor) me këtë studim.

Në bazë të studimit është një fenomen i njohur si ”bashkim nervor”, i cili është i përhapur në botën e kafshëve midis specieve shoqërore: ne e kemi parë atë në veprim tek minjtë, lakuriqët e natës, primatët e tjerë dhe padyshim tek njerëzit.

Për ta sqaruar, kjo është ajo që ndodh në kokën tonë gjatë një bisede, ose kur dëgjojmë një person tjetër që tregon një histori: truri ynë dhe ai i bashkëbiseduesit “sinkronizohen”, në kuptimin që aktivizojnë të njëjtat zona që lidhen me vëmendjen dhe shoqërinë.

Kjo sinkroni i lejon specieve tona (dhe jo vetëm, padyshim) të bashkëpunojnë dhe të mësojnë nga veprimet dhe fjalët e të tjerëve.

Megjithatë, është shumë më e rrallë që bashkimi nervor të ndodhë midis specieve të ndryshme: por studimi kinez ka treguar se mund të ndodhë midis njerëzve dhe qenve.

Çfarë lidhje ka LSD me bashkimin nervor ?

Verifikimi erdhi në mënyrë eksperimentale, duke monitoruar aktivitetin e trurit të një grupi burrash dhe katërputroshësh që nuk njiheshin me njëri-tjetrin përpara eksperimentit.

Ndërsa filluan të ndërveprojnë dhe të shikojnë njëri-tjetrin në sy, truri i tyre filloi të sinkronizohej, një harmoni që u përmirësua gjatë pesë ditëve të eksperimentit.

Kjo u përsërit më pas me një grup qensh me një mutacion në një gjen që mund të shkaktojë probleme me transmetimin e sinjaleve të trurit, dhe në veçanti çrregullime të vëmendjes.

Këta qen e kishin më të vështirë sinkronizimin me njerëzit – të paktën derisa iu dha një dozë e vogël LSD, e cila ndihmon në ruajtjen e vëmendjes dhe lehtëson sjelljen shoqërore.

Kjo nuk do të thotë që ju duhet t’i mësoni ata duke i shikuar në sy.