Shengjin – Velipojë drejt përfundimit / Aktualisht po punohet edhe në një segment të vogël në fshatin Rrjoll
Rruga Shengjin – Velipojë po shkon drejt përfundimit.
Është një tjetër vepër infrastrukturore që pritet t’i japë një zhvillim akoma më të madh turizmit në këtë zonë. Janë hedhur shtresat e asfaltit nga të dy kahet e rrugës, Shengjini dhe Velipoja, dhe sapo është bërë bashkimi i tyre në një aks të vetëm.
Ngritja e bordurave afër rrugës dhe vendosja e mbrojtëseve anësore metalike janë në proces. Ndërkohë, për të garantuar sigurinë e lëvizjes, në terrene të thepisura shkëmbore po vendosen rrjetat mbrojtëse që pengojnë rënien e gurëve në rrugë.
Punohet gjithashtu edhe në asfaltimin e një segmenti fare të vogël në qendër të fshatit Rrjodh dhe gjithçka tjetër pritet të jetë e përfunduar në prag të sezonit turistik të kësaj vere.
Kjo rrugë e veçantë, me një peisazh mbreselenes, që do përshkohet vetëm në 15 minuta, do ndikojë në zhvillimin e turizmit bregdetar për Shëngjinin, Velipojën e krejt rajonin verior të vendit.
