Lajme

Qeveria vendos për mbylljen me 1 vit të platformës TikTok

Do të mbyllet për një periudhë 1-vjeçare platforma TikTok. Vendimi u mor këtë të enjte (6 mars) nga qeveria dhe u komunikua për mediet nga Ministrja e Arsimit Ogerta Manastirliu.

Kjo e fundit sqaroi se kufizimi prej 12 muajsh i rrjetit social TikTok merret me qëllim parandalimin e nxitjes së dhunës online dhe bullizmit.

Manastirliu sqaroi se gjatë kësaj periudhe kufizimi do të përcaktohen rregullat për vendosjen e disa filtrave, sikurse mosha e aksesit, kontrolli prindëror dhe dhe komunikimi në gjuhën shqipe.

“Kemi marrë vendimin për marrjen e masave të përkohshme për shmangien e ndikimeve negative të platformës online  TikTok.

Ne kemi zhvilluar një seri të gjerë konsultimesh me prindërit rreth 65 mijë prindër të pyetur në rreth 1300 takime të realizuara për sigurinë e fëmijëve në mjedisin digjital dhe efektet negative të rrjeteve sociale mund të sjellin në shëndetin e gjendjen psikoemixcionale të fëmijëve.

Prindërit ishin pro kufizimit të platformës TikTok. Kemi ngritur një grup institucional pune për mbrojtjen dhe sigurinë e fëmijëve në mjedisin digjital dhe kemi analizuar efektet që vijnë nga këto platforma dhe pasojat që lidhen me raste direkte të dhunës fizike të nxitur nga këto elementë në mjedisin digjital.

Kemi rekomanduar mbylljen apo kufizimin e aksesit për platformën TikTok. Ky kufizim aksesi do jetë për 12 muaj, ku do na lejojë kohën e nevojshme për marrjen e masave në bashkërendim me përfaqësuesit e TikTok.

Vendosja e Filtrave për moshën e aksesit, filtra për kontrollin prindëror dhe filtrat e dosmosdoshëm të komunikit në gjuhën shqipe. Me vendosjen e këtyre filtrave parandalojmë promovimin e sjelljeve të padëshiruara”, deklaroi Manastirliu.

Ky vendim i marrë sot në Këshillin e Ministrave, u paralajmërua më herët nga Kryeministri Edi Rama, i cili argumentonte se arsyeja lidhej me faktin se ky rrjet social është toksik për fëmijët dhe se sipas tij një përqindje tepër e lartë e prindërve nuk e përqafonin këtë platformë.

Blerti Delija

Recent Posts

Deputetët i rikthehen jetës parlamentare, të enjten seancë plenare. Kuvendi i ri pritet të mblidhet më 9 shtator

Pas dy muajsh pushim për shkak të zgjedhjeve, Kuvendi i Shqipërisë do të fillojë përsëri…

9 hours ago

KQZ nis miratimin e tabelave përmbledhëse – Përfaqësuesi i opozitës shprehet kundër, i mazhorancës pro miratimit

Komisioneri Shtetëror i Zgjedhjeve Ilirian Celibashi, ka miratuar në mbledhjen e sotme tabelën përmbledhëse për…

10 hours ago

Nis regjistrimi dhe hipotekimi i pronave – Malësia e Madhe i ndau pronat sipas “kufijve të vjetër”

Bashkia Malësi e Madhe ka nisur procesin e regjistrimit fillestar të pronave dhe hipotekimin e…

11 hours ago

Dialogu Prishtinë-Beograd, kryediplomatja evropiane viziton sot Kosovën

Pas vizitës në Beograd, përfaqësuesja e lartë e Bashkimit Evropian për Politikën e Jashtme dhe…

11 hours ago

Procedohen në gjendje të lirë 4 shtetas – Ndërtime la leje dhe problem me inertet në fshatra

Në Shkodër vijojnë të jenë të larta denoncimet për ndërtime pa leje dhe problemet e…

11 hours ago

Vlerësimi i arritjeve të nxënësve – Kadija: Në Shkodër morën pjesë 1231 nxënës

1231 nxënës të klasave të 5-ta në Shkodër i janë nënshtruar testimit të vlerësimit të…

11 hours ago