“Qejfi bahet me shkodranë” – “Nderi i Kombit” Bujar Qamili sjell recitalin e parë në stadiumin “Loro Boriçi”
Këngëtari i njohur shkodran, “Nderi i Kombit” Bujar Qamili, do të zhvillojë më 21 qershor koncertin e tij recital në stadiumin “Loro Boriçi”, organizuar me mbështetjen e Bashkisë Shkodër.
Në një dalje për mediat, së bashku me organizatorët, këngtari i mirënjohur ka bërë të ditur disa nga detajet e këtij koncerti që e quan si me të rëndesishmin e karrierës artistike.
Por, vendimi i Bashkisë për zhvillimin e koncertit në stadiumin “Loro Boriçi” ka shkaktuar kundërshtime nga ana e klubit të futbollit Vllaznia.
Presidenti, Alban Xhaferi, është shprehur se organizimi i aktiviteteve të tilla në stadium bie ndesh me rregulloret e përcaktuara nga Federata Shqiptare e Futbollit dhe përbën pengesë për përgatitjen dhe zhvillimin e ndeshjeve të rëndësishme të planifikuara në kuadër të kompeticioneve evropiane.
Në reagim ndaj këtyre shqetësimeve, drejtoresha e Kulturës në Bashkinë Shkodër, Sara Smaja, ka deklaruar se zhvillimi i koncertit në stadium është në përputhje të plotë me ligjin dhe nuk përbën asnjë shkelje procedural.
Pavarësisht debatit, qyteti i Shkodrës pritet të jetojë një mbrëmje të paharrueshme muzikore me një nga figurat më të dashura të skenës shqiptare.
