Publikohet rregullorja e Maturës Shtetërore 2026 dhe datat e provimeve për maturantët

Ministria e Arsimit ka publikuar rregulloren e Maturës Shtetërore 2026 dhe datat e provimeve për të gjithë maturantët që ndjekin Arsimin e Mesëm të Përgjithshëm dhe atë Profesional.

Më datë 2 qershor, maturantët do të ulen ne banka për t’iu nënshtruar provimit të Gjuhës së Huaj. Më datë 9 qershor do të zhvillohen provimi i Gjuhës Shqipe dhe Letërsisë. Më datë 16 qershor do të zhvillohet provimi i Matematikës dhe më datë 23 qershor që është dhe provimi i fundit, ai me Zgjehdje.

Ministria bën me dije gjithashtu se janë publikuar dhe shpërndarë testet model për orientimin e maturantëve gjatë procesit të përgatitjes.

“Rregulla të qarta, garë e drejtë.  Është tashmë publike rregullorja  e Maturës Shtetërore 2026 dhe datat e provimeve për të gjithë maturantët që ndjekin arsimin e mesëm të përgjithshëm dhe atë profesional; 2 qershor ·  Provimi i gjuhës së huaj; 9 qershor ·  Provimi i gjuhës shqipe dhe letërsisë; 16 qershor· Provimi i matematikës; 23 qershor · Provimi me zgjedhje.

Janë publikuar dhe shpërndarë po ashtu testet model për orientimin e maturantëve gjatë procesit të përgatitje

Kujdes. Çdo shkelje e rregullave të provimit parashikon penalizim sipas rregullores

Përgatitja rigoroze është mundësia juaj e vetme për një garë që ju nxjerr fitues e faqebardhë

Suksese”, thuhet në njoftimin e ministrisë.