Procesi “Maradona”, mesazhet tregojnë lidhjen intime mes psikologes dhe ish-futbollistit
Një bisedë në “Whatsapp” mes dy psikologëve të Diego Armando Maradonës tregon qartë se njëri prej tyre nuk ka patur marrdhënie profesionale me pacientin e njohur.
Vetëm pak ditë më parë njëra prej partnereve të Maradonës, Veronica Ojeda, akuzoi publikisht psikologen që ndiqte babain e fëmijës së saj (Benji, 12 vjeç), për sjellje jo profesionale.
Në një moment të parë Agustina Cosachov ka mohuar gjithçka, por në një bashkëbisedim në “Whatsapp” me kolegun e saj Carlos Diaz, pranon të ketë patur marrëdhënie intime me Diego Armando Maradonën, lidhje që vetë psikologia e justifikon si pjesë e terapisë. Si Diaz edhe Cosachov janë mes tetë të dyshuarve për vdekjen e Maradonës.
