Presidentit, Bajram Begaj liron nga detyra ambasadorin në NATO, Ilir Gjoni

Presidenti Bajram Begaj ka dekretuar lirimin nga detyra të Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident, Ilir Gjoni.

Vendimi, i formalizuar me dekretin nr. 497, u mor në bazë të Kushtetutës së Republikës së Shqipërisë dhe ligjit “Për shërbimin e jashtëm”, pas propozimit të Kryeministrit. Dekreti hyn në fuqi menjëherë.

D E K R E T

 PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe nenit 26, pika 2 të ligjit nr. 23/2015, “Për shërbimin e jashtëm të Republikës së Shqipërisë”, me propozim të Kryeministrit,

D E K R E T O J:

Neni 1

Zoti Ilir Gjoni lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.

Neni 2

Ky dekret hyn në fuqi menjëherë.

Dekret nr. 497″.

PRESIDENT I REPUBLIKËS

 BAJRAM BEGAJ