Policia, gati gjobat për këmbësorët

Policia Rrugore nuk do të tolerojë më sjelljet e gabuara të këmbësorëve në rrugë. 

Ashtu si edhe për drejtuesit e mjeteve, ajo do të zbatojnë me korrektësi masat e parashikuara në Kodin Rrugor. 

Në Korçë burimet zyrtare të policisë bëjnë të ditur se masat ndëshkuese do të aplikohen më së shumti ndaj atyre qytetarëve që nuk respektojnë vijat e bardha apo kapërcejnë në bordurat mes rrugëve. 

Gjoba për shkeljet e rregullave të qarkullimit rrugor nga këmbësorët është në vlerën e 1 mijë lekëve.

Policia u ka kërkuar ndërkohë qytetarëve të mbajnë me vete mjetet e identifikimit.

Vetë qytetarët e kanë cilësuar të drejtë vendosjen e gjobës, duke pranuar se rregullat shpesh nuk respektohen.