Përmirësohet situata epidemiologjike – Rastet me COVID-19 vazhdojnë të jenë prezent në Shkodër

Java e parë e 2025 ka shënuar një përmirësim të situatës epidemiologjike e krijuar nga virozat dhe gripi stinor, veçanarisht ne javët e fundit të 2024. 

Megjithatë, numri i përditshëm i qytetarëve që kërkojnë ndihmë mjekësore ose testime për viroza dhe COVID-19 mbetet ende i lartë.

 Sipas drejtuesve të Shërbimit Epidemiologjik, rastet e konfirmuara me COVID-19 vazhdojnë të jenë prezente.

Sa i takon virusit të ri të raportuar në Kinë, nga bulzat e bardha  pranohet  se ka një ndjenjë paniku mes qytetarëve, ndonëse nuk ka vend për shqetësim në këtë fazë.

Mjekët apelojnë për masa parandaluese nga qytetarët, duke theksuar rëndësinë e forcimit të imunitetit dhe kujdesit të shtuar për shëndetin gjatë stinës së dimrit. Përmbushja e këtyre masave është thelbësore për të parandaluar përhapjen e virozave dhe për të mbrojtur shëndetin publik.