Pajisje të reja për Qendrat Shëndetësore – Donacioni ka si qëllim përmirësimin e kujdesit shëndetësor ndaj qytetarëve
Përmes bashkëpunimit të Bashkisë Shkodër me Institutin “Jeta e Re” dhe Fondacionin “Shpresë për Botën,” disa nga qendrat shëndetësore në njësitë administrative janë pajisur me materialet mjeksore të nevojshme.
Dhurimi i këtyre materialeve ka si qëllim përmirësimin e kujdesit shëndetësor për të gjithë banorët.
Krahas Qendrave Shëndetësore në njësi administrative, shpërndarja e mjeteve mjeksore është bërë edhe në Spitalin Rajonal të Shkodrës, konkretisht në pavjonin e Obstetrikë- Gjinekologji.
Me këto mjete të reja mjekësore synohet përmirësimi i kujdesit ndaj shëndetit të nënave dhe fëmijëve.
