Nuk justifikonte pasuritë, sekuestrohen automjetet dhe mjetet motorike të një personi në Shkodër

Prokuroria e Shkodrës ka sekuestruar pasuri dhe automjete të shtetasit Brigeno Binoshaj dhe familjarëve të tij, pas dyshimeve për pasuri të pajustifikueshme.

Hetimet kanë zbuluar se Binoshaj ka qenë më parë i dënuar nga autoritetet franceze për veprën penale të “Trafikimit të lëndëve narkotike”. Gjatë verifikimeve, ka rezultuar se shtetasi Binoshaj dhe familjarët e tij zotërojnë pasuri dhe të ardhura që nuk mund të justifikohen me veprimtari të ligjshme.

Në kuadër të hetimeve, u sekuestruan pasuritë dhe automjetet e mëposhtme:

Automjeti “Mercedes Benz”, Modeli S600L, në emër të shtetasit B.B;

Motori “Piaggio”, Modeli Gilera, në emër të shtetasit B.B;

Motori “Yamaha”, Modeli MT09, në emër të shtetasit B.B;

Automjeti “Volksëagen”, Modeli Golf 2.0 TDI, në emër të shtetasit G.B;

Motori “Yamaha”, Modeli YP250R, në emër të shtetasit G.B;

Automjeti “Lancia”, Modeli Y, në emër të shtetases E.B;

Të gjitha llogaritë bankare në emër të shtetasit B.B dhe familjarëve të tij.