Ngjyrat e dashurisë për autizmin – Nxënësit e shkollës “Mati Logoreci” çelën ekspozitën ndërgjegjësuese
Në kuadër të muajit të ndërgjegjësimit për autizmin, në Shkollën 9-vjeçare “Mati Logoreci” në Shkodër u çel ekspozita sensibilizuese me titull “Gjuha ime e dashurisë”. Pjesë e saj ishin piktura të realizuara nga vetë nxënësit me ndihmën e mësuesve, duke përcjellë mesazhe për pranimin, dashurinë dhe përfshirjen e fëmijëve me aftësi ndryshe.
Në këtë shkollë mësojnë rreth 240 nxënës, prej të cilëve 9 janë të prekur nga format e spektrit autik.
Procesi i mësimdhënies dhe integrimit të këtyre fëmijëve kërkon një kujdes të veçantë, shprehet drejtuesja e shkollës.
Ekspozita u mirëprit nga prindër, nxënës dhe mësues.
Pikturat e ekspozuara ishin të mbushura me ngjyra dhe simbolikë, duke treguar mënyrën se si fëmijët shprehin ndjenjat dhe përjetojnë botën përreth.
