Në dy muaj mbi 250 vatra zjarresh, Shërbimi Zjarrfikës: Bashkitë të jenë më të vëmendshme për territoret e tyre
This photograph shows a general view of a forest fire, next to the Krivolak military training ground, near the town of Negotino, on July 17,2024, as several wildfires swept across North Macedonia, which had prompted the government to declare a crisis situation. The fires spread mainly in the central and eastern parts of the country, according to the state's Crisis Management Center, amid a gruelling heat. (Photo by Robert ATANASOVSKI / AFP)
Në dy muajt e fundit, në të gjithë vendin janë regjistruan mbi 200 vatra zjarresh dhe shumica prej tyre rezultuan të qëllimshme.
Këtë fakt e pohon edhe kreu i Shërbimit Zjarrfikës, Arben Cara.
“Në çdo rast, këto zjarre janë nga dora e njeriut dhe asnjë rast nuk ka zjarre të paqëllimshme. Të gjitha mund të konsiderohen zjarre të qëllimshme,” shprehet z. Cara.
Sipas tij, për periudhën në vijim duhet rritur kujdesi deri në fund të muajit shtator.
“Piku i zjarreve është pas muajit korrik dhe në gusht. Jo më i parëndësishëm është edhe shtatori, pasi sipas meteorologëve sivjet do të kemi një verë shumë të nxehtë, ndryshe nga verat e tjera,” shprehet shefi i Shërbimit Zjarrfikës.
Ai ka edhe një apel për kryebashkiakët, të cilëve ligji u ngarkon kontroll dhe menaxhim territori.
“Është detyrim i çdo kryetari bashkie, me ligj, që duhet të marrin masa paraprake dhe të hartojnë plane pune, planveprime, t’i krijojnë mundësitë Shërbimit Zjarrfikës që të operojë në një kohë sa më të shkurtër me mjetet e tyre për ta vënë zjarrin nën kontroll,” apelon z. Cara.
Në të gjithë vendin numërohen 1.300 efektivë të shërbimit për mbrojtjen nga zjarri dhe të shpëtimit për emergjencat.
