Muzeu “VDK” ndër më të vizituarit në këtë sezon / Qelitë origjinale të paraburgimit, pika më tërheqëse për vizitorët

Sezoni veror ka sjellë shtim të fluksit të vizitorëve në të gjitha muzetë e qytetit të Shkodrës.

Vendi i Dëshmisë dhe Kujtesës, është një ndër më te vizituarit nga turistët e huaj,  pasi për shumë prej tyre  ky muze deshmon detaje për të cilat kanë degjuar dhe lexuar,  por jo përjetuar në vendet e tyre.

Sipas punonjësve të muzeut, gjeografia e vizitorëve këtë vit duket më zgjeruar. Ndërkohë , vërehet një shtim i interesit edhe nga emigrantët që kthehen për pushime për të sjellë fëmijët e tyre në këtë muze.

Brenda 6 muajve të parë të këtij viti “Vendi i Deshmisë dhe Kujtesës” në Shkodër është vizituar nga afro tre mijë vizitor vendas dhe të huaj.

Ky muze është i pari Vend Kujtese Historike në Shqipëri, i cili përkujton viktimat që vuajtën dënimin në burgjet e regjimit komunist.