Më pak prenotime për pushime jashtë vendit / Operatorët turistikë në Shkodër: Rritet interesi për destinacionet vendase

Prenotimet për pushime jashtë Shqipërisë po  shënojnë rënie këtë verë, krahasuar me sezonet e mëparshme.

Drejtuesit e agjencive turistike në Shkodër thonë se, pavarësisht interesit tradicional për Antalian në Turqi, rritja e tarifave nga resortet  ka kufizuar ndjeshëm kërkesat.

Në të kundërt, turizmi vendas, veçanarisht ai malor,  po shënon rritje të dukshme.  Lumi i Shalës, Valbona dhe Thethi kryesojnë listën e destinacioneve që shkodranët po zgjedhin t’i vizitojnë përmes mundësive të udhëtimit apo guidave që ofrojnë  operatorët turistikë.

Sipas këtyre të fundit, kërkesat për këto zona janë rritur me mbi 30 % krahasuar me verën e kaluar.

Një tjetër faktor që ka ndikuar në uljen e volumit të punës për operatorët turistikë janë prenotimet online.

 Platforma si Booking.com i mundësojnë klientit të sigurojë vetë akomodimin dhe transportin, çka po reflektohet në një ngushtim të tregut tradicional të ndërmjetësimit