McLaren, dopietë në Austri: Norris përpara Piastri, Ferrari në podium me Leclerc
Pas Melbourne dhe Montecarlo, Lando Norris arrin fitoren e tij të tretë të sezonit (të shtatën në karrierë) në Spielberg, duke kompletuar një dopietë që McLaren e kishte “gatuar” që nga seanca e parë e provave të lira të Çmimit të Madh të Austrisë dhe më pas me provat zyrtare.
Vendi i dytë për Oscar Piastri i cili bëri disa përpjekje për të përmbysur pozicionet në krye, por iu desh të merrte parasysh superioritetin e shokut të tij të skuadrës, duke vënë më pas katër gomat në bar për shkak të një keqkuptimi me Franco Colapinto (penalizim prej pesë sekondash për argjentinasin). Piastri ende kryeson Kampionatin Botëror me një avantazh prej pesëmbëdhjetë pikësh ndaj Norris: 216 pikë kundrejt 201.
Vendi i fundit i podiumit për Ferrarin me Charles Leclerc, autor i një gare të fortë dhe aspak të lehtë, ndërsa Leëis Hamilton përfundoi në vendin e katërt. Një vend i pestë pa ngjyrë për George Russell (fitues në Spielberg një vit më parë) me të vetmin Mercedes që kaloi vijën e finishit.
Përplasje në kthesën e tretë të xhiros së parë për Max Verstappen dhe Andrea Kimi Antonelli. Piloti italian i Mercedes, duke u përpjekur të kalojë Liam Laëson dhe Gabriel Bortoleto, nuk arrin të frenojë dhe përplas kampionin holandez, duke shkaktuar edhe ndërhyrjen e Makinës së Sigurisë.
