Mbledhja e Këshillit Bashkiak Shkodër / Miratohen projektvendime për investime dhe parkingje me pagesë
Këshilli Bashkiak ka marrë në shqyrtim një sërë projektvendimesh të rëndësishme të lidhura me ndihmën ekonomike, ndihmën financiare për dëmet nga zjarri, programet buxhetore që synojnë investime në insfratrukturën arsimore e turistike, apo dhe tarifimin e parkingjeve dhe përcaktimin e stacioneve të linjave qytetase dhe ndërqytetase.
Mbledhja filloi me një sërë debatesh, që lidheshin kryesisht me projektvendimin e buxhetit 2025 dhe programit buxhetor afatmesëm 2025 -2027.
Përfaqësuesit e PD-së kërkuan heqjen nga rendi i ditës të këtij projektvendimi, pasi ligji parashikonte dëgjesë publike për projektvendimet që parashikojnë shuma të mëdha monetare.Reagime pati nga këshilltarët e djathtë dhe për projekvendimin që parashikonte parkime me pagesë në Velipojë dhe Shirokë, pasi bëhet fjalë për zona turistike.
Pavarësisht debateve , të gjitha projektvendimet u miratuan me shumicën e votave të këshilltarëve.
