Massafra përshëndetet me besimtarët – Mesha Pontifikale ishte e fundit në detyrën si Arqipeshkëv i Dioqezës Shkodër-Pult

Besimtarët e shumtë mbushën Katedralen “Shën Shtjefni” të Shkodrës për të marrë pjesë në Meshën Pontifikale Solemne me rastin e përfundimit të shërbimit baritor të Imzot Massafra-s në vendin tonë.

Në meshën e shenjtë u krye edhe riti i bekimit të pjesëmarrësve me ujin e shenjtë si dhe u shpall data e Pashkës që do të jetë ajo e 20 prillit.

Kjo liturgji e shenjtë u udhëhoq për herë të fundit nga Massafra në detyrën e tij si Arqipeshkëv i Dioqezës Shkodër-Pult.

Me zërin që i dridhej nga emocionet, Massafra i falenderoi të gjithë në përfundim të misionit të tij.

I pranishëm  ishte edhe Nunci Apostolik në Shqipëri, Imzot Luigi Bonazzi.  Ai përshëndeti gjithë punën e bërë nga Massafra në 28 vitet e shugurimit të tij ipeshkvnor në vendin tonë.

 Detyrën e re të Arqipeshkëvit do ta ushtrojë Imzot Giovanni Peragine.