Shtyhet për ditën e hënë (17 shkurt) seanca e sotme plenare. Shkak për shtyrjen u bënë aktet e dhunës në Kuvend dhe marrja e kartave të deputetëve socialistë nga demokratja Elda Hoti.
Kryetarja e Kuvendit, Elisa Spiropali konsideroi se seanca e sotme plenare e cila rinisi pas dy ndërprerjesh, të shtyhej për ditën e hënë në orën 10:00 për të vijuar me diskutimet dhe votimin e rendit të ditës.
“Kartat e deputetëve janë marrë nga vendet e tyre krejtësisht të paarsyeshme. Për shkak të të situatës së krijuar, akteve të dhunës të përsëritura dhe të tjera probleme të rënda të mbarëvajtjes së seancës për shkak të dhunës së ushtruar, kjo seancë shtyhet për të hënën në orën 10:00. Uroj që të hënën të vini me mend të tjera dhe t’i kthehemi normalitetit, votimeve siç na takon”, deklaroi Spiropali.
Në seancën e sotme plenare, deputetja Elda Hoti ka marrë kartat e disa deputetëve socialistë me qëllim moslejimin e votimit të tyre.
Po ashtu, seanca u shoqërua edhe me tensione të tjera, sikurse ishte tentativa e deputetit demokrat Flamur Noka për të goditur me shishe uji Ministrin për Marrëdhënie me Parlamentin, Taulant Balla.
Pas dy muajsh pushim për shkak të zgjedhjeve, Kuvendi i Shqipërisë do të fillojë përsëri…
Komisioneri Shtetëror i Zgjedhjeve Ilirian Celibashi, ka miratuar në mbledhjen e sotme tabelën përmbledhëse për…
Bashkia Malësi e Madhe ka nisur procesin e regjistrimit fillestar të pronave dhe hipotekimin e…
Pas vizitës në Beograd, përfaqësuesja e lartë e Bashkimit Evropian për Politikën e Jashtme dhe…
Në Shkodër vijojnë të jenë të larta denoncimet për ndërtime pa leje dhe problemet e…
1231 nxënës të klasave të 5-ta në Shkodër i janë nënshtruar testimit të vlerësimit të…
This website uses cookies.
