Kupa e Botës për Klube, Messi gati t’i rrëmbejë rekorde të reja Cristiano Ronaldos
Sfida midis Lionel Messit dhe Cristiano Ronaldos vazhdon dhe mund të ketë një kapitull tjetër në Kupën e Botës për Klube. Duke marrë parasysh garën vjetore me atë emër, portugezi kryeson me shtatë gola të shënuar në katër edicione të luajtura, ndërsa argjentinasi është i bllokuar në pesë gola.
Numri i golave të amerikanojugorit mund të rritet duke pasur parasysh se ai do të dalë në fushë me Inter Miami, ndërsa portugezi ka hequr dorë nga ndërrimi i ekipit duke pasur parasysh se Al Nassr do të mungojë.
