Kujdesi shëndetësor në shkollat 9-vjeçare / Kalendari i aktiviteteve promovuese dhe angazhimi i infermierëve në muajin janar
Për vitin 2026 institucionet arsimore dhe shëndetësore kanë hartuar një kalendar aktivitetesh promovuese të cilat synojnë rritjen e ndërgjegjësimit për shëndetin tek nxënësit e shkollave 9-vjeçare.
Infermierja Mimoza Rragami flet për nismat e ndërmarra në funksion të shëndetit të nxënësve.
Gjatë muajit janar, në shkollat 9-vjeçare janë zhvilluar dhe janë planifikuar aktivitete me fokus informimin e nxënësve dhe prindërve mënyrat e mbrojtjes së shëndetit në mjedisin shkollor dhe familjar.
Një rol kyç në zbatimin e këtyre aktiviteteve e ka infermieri i shkollës i cili jo vetëm monitoron gjendjen shëndetësore të fëmijëve, por ndërhyn edhe në identifikimin dhe trajtimin e problematikave më të shpeshta që hasen tek nxënësit.
Aktivitetet promovuese në shkolla mbeten një element i rëndësishëm në edukimin shëndetësor të fëmijëve, duke kontribuar në krijimin e zakoneve të shëndetshme që në moshë të hershme dhe në forcimin e bashkëpunimit mes shkollës, familjes dhe shërbimit shëndetësor.
