Konkursi Kombëtar i Gjuhës Shqipe / Kadija: Sfidë mbetet ruajtja dhe shkrimi i drejtë i gjuhës sonë
Në Shkodër ka nisur faza e dytë e konkursit “Gjuha Shqipe”.
Për katër ditë radhazi, nxënësit e klasave të 9-ta do të konkurojnë në nivel bashkie, ndërsa fituesit do të përfaqësojnë Shkodrën në nivel rajonal dhe kombëtar.
Kadija tha se sfidë mbetet ruajtja dhe drejtshkrimi i gjuhës shqipe.
Sipas saj, konkurse të tilla ndihmojnë ndjeshëm në këtë aspekt.
Shkodra, edhe këtë vit, synon një përfaqësim dinjitoz në rang kombëtar.
Gjuhët e huaja dhe trendi i të shprehurit me shkurtime po e varfërojnë gjithnjë e më shumë gjuhën shqipe.
Për këtë arsye, edhe vetë nxënësit kërkojnë më shumë ndërgjegjësim dhe organizimin e aktiviteteve të tilla.
Këtë vit, konkursi i gjuhës shqipe, krahas pyetjeve që adresohen nga juria, përfshin edhe “kartolinën e librit”, debatet si dhe projektin e gjuhës shqipe.
