Lajme

KLGJ: Personat e veshur me pushtet po prekin dinjitetin e gjyqtarëve dhe cenojnë pavarësinë e drejtësisë

Këshilli i Lartë Gjyqësor ka reaguar ndaj deklaratave dhe kritikave të fundit të politikanëve që kanë përmendur gjyqtarë të gjykatave të posaçme për korrupsionin dhe krimin e organizuar. KLGJ theksoi se çdo përpjekje për të cenuar pavarësinë e gjyqësorit, përmes trysnisë ose deklaratave që ndikojnë në dinjitetin e gjyqtarëve, është një kërcënim për pavarësinë dhe sundimin e ligjit.

“Këshilli i Lartë Gjyqësor ka ndjekur me vëmendje zhvillimet e fundit në lidhje me deklaratat e bëra nga persona të veshur me pushtet, ekzekutiv apo politik si edhe media të caktuara, të cilat prekin figurën dhe dinjitetin e gjyqtarëve pranë gjykatave të posaçme për korrupsionin dhe krimin e organizuar. KLGJ mban qëndrimin se çdo përpjekje për të cenuar pavarësinë e gjyqësorit, nëpërmjet trysnisë apo presionit të çfarëdo lloji, përbën një kërcënim të drejtpërdrejtë ndaj pavarësisë, demokracisë dhe sundimit të ligjit”, thuhet në reagimin e KLGJ.

Në reagimin e tij, KLGJ kërkoi që të gjithë aktorët të shmangin çdo formë trysnie ndaj gjyqtarëve dhe të respektojnë pavarësinë e gjyqësorit. Këshilli theksoi se gjyqtarët duhet të jenë të lirë të marrin vendime pa ndikime të jashtme, duke vepruar në përputhje me Kushtetutën dhe ligjet në fuqi.  

“Këshilli në përmbushje të angazhimeve të tij ligjore, ju bën thirrje të gjithë aktorëve që të shmangin trysninë në formën e deklaratave, citimeve apo aludimeve që cenojnë gjyqtarët për shkak të ushtrimit të funksionit. Në një shtet të së drejtës, pavarësia e gjyqësorit është një ndër shtyllat themelore për garantimin e drejtësisë dhe mbrojtjen e të drejtave dhe lirive të qytetarëve. Gjyqtarët duhet të jenë të lirë nga çdo lloj forme që ndërhyn në vendimmarrje, në mënyrë që të ushtrojnë detyrën në përputhje me Kushtetutën dhe ligjet në fuqi. Këshilli thekson se në një shtet që është duke përmbushur kriteret e anëtarësimit në BE, mënyra e vetme e kundërshtimit të një vendimmarrjeje gjyqësore duhet të jetë përmes ushtrimit të mjeteve ligjore, duke u ankuar në një gjykatë më të lartë”, thuhet në reagimin e KLGJ.

Gjatë ditës së sotme, kryeministri Edi Rama, teksa lexonte mesazhin e qytetarit dixhital, kërkoi nga kreu i SPAK, Altin Dumani, të hetojë dy gjykatës, të cilët i japin dosjet kreut demokrat Sali Berisha.

Në përgjigje të kësaj deklarate edhe kryedemokrati Berisha akuzoi gjyqtaren Irena Gjoka se ishte ajo që e kishte shkruar këtë mesazh së bashku me ministrin e Drejtësisë, Ulsi Manja.

Në kuadër të këtyre deklaratave, Këshilli i Lartë Gjyqësor apelon për respektimin e shtyllave të pavarësisë së gjyqësorit dhe se vetmja mënyrë kundërshtimi ndaj një vendimi gjyqësor është ajo e ankimimit.

Blerti Delija

Recent Posts

Deputetët i rikthehen jetës parlamentare, të enjten seancë plenare. Kuvendi i ri pritet të mblidhet më 9 shtator

Pas dy muajsh pushim për shkak të zgjedhjeve, Kuvendi i Shqipërisë do të fillojë përsëri…

4 hours ago

KQZ nis miratimin e tabelave përmbledhëse – Përfaqësuesi i opozitës shprehet kundër, i mazhorancës pro miratimit

Komisioneri Shtetëror i Zgjedhjeve Ilirian Celibashi, ka miratuar në mbledhjen e sotme tabelën përmbledhëse për…

5 hours ago

Nis regjistrimi dhe hipotekimi i pronave – Malësia e Madhe i ndau pronat sipas “kufijve të vjetër”

Bashkia Malësi e Madhe ka nisur procesin e regjistrimit fillestar të pronave dhe hipotekimin e…

5 hours ago

Dialogu Prishtinë-Beograd, kryediplomatja evropiane viziton sot Kosovën

Pas vizitës në Beograd, përfaqësuesja e lartë e Bashkimit Evropian për Politikën e Jashtme dhe…

6 hours ago

Procedohen në gjendje të lirë 4 shtetas – Ndërtime la leje dhe problem me inertet në fshatra

Në Shkodër vijojnë të jenë të larta denoncimet për ndërtime pa leje dhe problemet e…

6 hours ago

Vlerësimi i arritjeve të nxënësve – Kadija: Në Shkodër morën pjesë 1231 nxënës

1231 nxënës të klasave të 5-ta në Shkodër i janë nënshtruar testimit të vlerësimit të…

6 hours ago