“Java e Mësuesit” – Veprimtari të ndryshme po i paraprijnë festës së 7 Marsit

Atmosfera festive e 7 Marsit ndihet në Shkodër që në fillim të kësaj jave, e cila mund të quhet “Java e Mësuesve”.

 Në sheshin para Bashkisë, Zyra Vendore e Arsimit ka organizuar “Panairin e Mirënjohjes”, ku janë vendosur stenda me fotot e mësuesve të shkollat 9-vjeçare dhe të mesme.

Ky panair vjen si një shprehje e nderimit dhe mirënjohjes për brezat e arsimtarëve  ndër vite, por edhe për ata që sot vazhdojnë të kontribuojnë në edukimin e fëmijëve dhe të rinjve.Gjatë gjithë javës janë planifikuar aktivitete të ndryshme kushtuar mësuesit, të organizuara si nga Zyra Vendore e Arsimit, ashtu edhe nga vetë shkollat e qytetit.

Veprimtari këto që synojnë të vlerësojnë rolin e mësuesve në shoqëri  si dhe  reflektimin mbi misionin e tyre në formimin e brezave të ardhshëm.