Inagurohet Qendra Kulturore Islame në Oblikë, Sytari: projekte të tilla i shërbejnë gjallërimit  të  jetës fetare dhe shoqërore

U inaugurua sot Qendra Kulturore në fshatin Oblikë, ndërtuar pranë Xhamisë me mbështetje nga Kuvajti përmes shoqatës “Miqësia”.

Në ceremoni  morën pjesë drejtues të Myftinisë së Shkodrës dhe  përfaqësues të fondacionit donator.

Gjatë fjalës përshëndetëse, Myftiu i Shkodrës, Imam Muhamed Sytari, theksoi rëndësinë e këtyre projekteve për gjallërimin e jetës fetare dhe shoqërore në zonat rurale.

Ai njoftoi se nisma të ngjashme do të realizohen edhe në zona të tjera të Shkodrës.

Ndërsa  drejtuesi i shoqatës “Miqësia” theksoi se ngritja e qendrave të tilla në afërsi të xhamive vjen në kuadër të motos së tyre “Dije dhe Besim”.

Gjatë këtij përurimi, myftiu Sytari bëri të ditur se sot janë hedhur themelet për ndërtimin e një tjetër qendre të tillë kulturore pranë xhamisë në fshatin Mjedë, në Vaun e  Dejës.