Gjithë territori me mot të vranët e me shi, reshje bore në relievet e larta
Vendi ynë sot do të ndikohet nga kushte të paqëndrueshme atmosferike.
Moti parashikohet i vranët dhe me reshje të herëpashershme shiu, me intensitet të ulët në të gjithë territorin dhe me shtrëngata afatshkurtra të izoluara kryesisht në orët e pasdites.
Në relievet e larta malore në lindje të vendit priten reshje bore me intensitet të ulët.
Era do të fryjë me drejtim juglindje–jugperëndim me shpejtësi mesatare 7 m/sek, ndërsa në lugina dhe bregdet do të fitojë shpejtësi 13 m/s, e shoqëruar me valëzim në dete të forcës 2–3 ballë.
Temperaturat parashikohen:
- në zonat malore 4 deri 12°C
- në zonat e ulëta 8 deri 16°C
- dhe në bregdet 10 deri 15°C
