Europa League në RTSH: Pisilli dhuron spektakël, Roma mund Stuttgartin
Në ndeshjen e 7-të të Europa League, Roma siguroi një “poker” fitoresh radhazi, teksa ëndërron të kualifikohet direkt në raundin e 16-shes. Me nëntëdhjetë minuta të mbetura në fazën e grupit të Europa League, verdhekuqtë janë të gjashtët në tabelë dhe do të përballen me Panathinaikosin në raundin e fundit.
Kundër Stuttgartit, në një ndeshje që erdhi për shikuesit në ekranin e RTSH, Roma u tregua solide dhe praktike, duke marrë shumë pak rrezik dhe duke goditur me Pisilli-n. Mesfushori, i ushqyer nga Soulé, vrapoi në zonë dhe mposhti Nübel me një gjuajtje të fuqishme në minutën e 40-të.
Svilar i shpëtoi italianët në disa raste, por pavarësisht ndryshimeve të shumta në formacionin titullar (shtatë), ata qëndruan të fortë kundër ekipit të vendit të tretë të Bundesligës dhe e menaxhuan me mjeshtëri ndeshjen.
Në fazat e fundit, pas futjes së Dybala-s dhe Mancini-t, erdhi goli i 2-0, Pisilli shënoi përsëri me një tjetër vrapim të jashtëzakonshëm (92′). Roma është e gjashta me 15 pikë, ndërsa Stuttgart bie në vendin e 12-të me 12 pikë.
