Drishti, potencial i madh turistik dhe historik / Banori i kalasë Arben Buhaj: Bëj udhërrëfyesin, punojmë me turistë të huaj

Fshati Drisht, i vendosur në një zonë kodrinore pranë Shkodrës, po tërheq gjithnjë e më shumë vëmendje për potencialin e tij të jashtëzakonshëm turistik dhe historik.

Kalaja e Drishtit, një nga më të vjetrat në rajon, ofron pamje mahnitëse dhe një udhëtim në kohë për çdo vizitor.

 Arben Buhaj, banor i kalasë ka marrë përsipër të udhëzojë turistët që vizitojnë fshatin, duke u treguar historinë, bukuritë natyrore  dhe kulturën vendase.

Me një trashëgimi të pasur kulturore, natyrë piktoreske dhe një kala që dëshmon për lavdinë e dikurshme, Drishti është një destinacion që meriton të promovohet dhe të mbështetet më shumë.

Aktualisht, nevoja për investime në infrastrukturë, promovim dhe zhvillim të turizmit rural është e domosdoshme që Drishti të shfrytëzohet në mënyrë të qëndrueshme si një atraksion historik dhe natyror.

Drishti nuk është thjesht një fshat , është një thesar që pret të zbulohet.