Ceremonia e Çmimeve Emmy – Edicioni i 75-të u zhvillua 4 muaj me vonesë për shkak të grevave në Hollywood

Serialet televizive “Succession” dhe “The Bear” fituan secili nga 6 çmime Emmy në kategoritë e dramës dhe komedisë, ndërsa seriali i Netflix “Beef” dominoi kategoritë e miniserialeve.

“Succession” fitoi çmimin Emmy për serialin më të mirë dramatik në ceremoninë e mbajtur të hënën në mbrëmje në Los Anxhelos.  Ky produksion mori edhe 5 çmime të tjera përfshirë atë për aktorin më të mirë, aktorin më të mirë dytësor si dhe  çmimet për skenarin e regjinë.

Ndërsa “The Bear” u shpall seriali më i mirë komedi.  Jeremy Allen White u shpall aktori më i mirë i komedisë për interpretimin e tij, ndërsa Ebon Moss-Bachrach fitoi çmimin e serialit komedi për aktorin dytësor. “Beef” mori statujën e çmimeve Emmy si i miniseriali më të mirë.

Dy yjet e tij Ali Wong dhe Steven Yun, u shpallën aktorët më të mirë protagonistë të kësaj kategorie. Një statujë shkoi edhe për Elton John. Ai fitoi çmimin e tij të parë Emmy, duke iu bashkuar klubit të interpretuesve që kanë fituar një çmim Emmy, Grammy Oscar dhe Tony.

Çmimet Emmy, të cilat u prezantuan nga aktori dhe komediani Anthony Anderson u zhvilluan me 4 muaj vonesë për shkak të grevave të skenaristëve dhe aktorëve të Hollyvood-it, që u zhvilluan vitin e kaluar.