BE shqyrton një program të ri SAFE prej 1 miliard euro për mbrojtjen evropiane

Një raund i dytë i programit të kredisë SAFE prej një miliard eurosh po shqyrtohet nga Komisioni Evropian për të financuar mbrojtjen evropiane.

Programi fillestar prej 150 miliardë eurosh “ishte aq popullor sa disa qeveri të BE-së i kanë kërkuar tashmë Brukselit të vazhdojë me krijimin e një versioni të dytë, përpara se fondet nga i pari të kenë filluar të lëshohen”, zbuloi Presidentja e Komisionit Evropian Ursula von der Leyen në një aktivitet të organizuar në Bruksel.

Zyrtarët e BE-së thanë se ekzekutivi evropian po e shqyrton në mënyrë aktive idenë.

Sipas programit SAFE, BE-ja huazoi bashkërisht para nga tregu për t’u dhënë hua qeverive të BE-së për projektet e tyre të mbrojtjes. Për shumicën e vendeve pa një vlerësim krediti AAA, kjo do të thotë kursime të konsiderueshme.

Kreditë mund të kenë një afat deri në 45 vjet dhe një periudhë mospagimi 10-vjeçare për shlyerjen e principalit.

Komisioni ka marrë aplikime për kredi me vlerë rreth 190 miliardë euro në kuadër të programit ekzistues SAFE, duke sugjeruar se ka një kërkesë të fortë për një transh të dytë, tha një nga zyrtarët. Megjithatë, ai tha se ishte shumë herët për të thënë se sa para mund të jenë të disponueshme në kuadër të një programi të dytë.