Aksident në aksin Thumanë-Fushë Krujë, 1 viktimë dhe 3 të lënduar
Një aksident me pasojë vdekjen e një personi është regjistruar këtë të mërkurë (2 korrik) në aksin e vjetër Thumanë- Fushë Krujë.
Në aksident janë përfshirë dy automjete, ku viktimë ka mbetur një e moshuar, B. S dhe janë plagosur 3 të tjerë.
Ndërkaq, të plagosurit M. K, I. S dhe L. S janë dërguar për ndihmë mjekësore në Spitalin e Traumës.
Nga hetimet paraprake të kryera nga Policia Rrugore në vendngjarje, rezulton se M. K është drejtuesja e njërit prej mjeteve, e cila është përplasur në dinamikë ende të paqartë me mjetin tjetër që drejtohej nga I. S me të cilin udhëtonin dhe L. S dhe B. S.
